ترابك يا شام / بقلم الشاعر / بسام العكش

ترابك يا شام

يا ريتني بأرضك يا شام
شي ذره بكوم ترابك
قضي عمري والأيام
لف ودقدق عبوابك

لف ودور بالساحات
دروب الديقه والحارات
فرفح قلبي بها النسمات

وما بنسى ملقى حبابك

وما بنسى عروق الياسمين
عالحيطان ممدودين 
زهره زهره مصفوفين
بترسملك لون تيابك

بترسملك قصة دربك
عن ماضيكي عن مجدك
والعز الماشي بدمك
وذل الظالم بعتابك

طول عمرك تحمي الأوطان
واسمك ساكن بالوجدان
تربى شعبك عالايمان
وصلى الكل بمحرابك

يا ريتني بأرضك يا شام
شي ذره بكوم ترابك

شارك الموضوع

شاهد أيضا

منشورة في: الشعر العامي