شامتنا / الشاعر / بسام العكش

شامتنا

اديش حلوه شامتنا 
شام النخوة وعزتنا
أملنا. .روحنا. .وغايتنا 
 أم الكل شامتنا

لو زرتا حارة حارة 
ومشينا داره داره
من المزه للعمارة 
 وللميدان...انستنا

باب سريجه والقنوات 
حارة الأكابر والبكوات 
ومن الاشله شي نظره هات 

 وللشاغور نخوتنا

ولا تنسالي باب توما 
والعقيبه تسلملي عيونا
باب شرقي والسادات 
 والصالحيه حارتنا

بشوارعها مر شويه 
وعالمرجه والحميديه 
حلبوني والمنشيه 
 تشوف الربوه نادتنا

وما تنسى الاموي يا عين 
وكنايس الشام عالصفين 
قصاعنا وبين النهرين 
 وشم نسايم غوطتنا

يسلملي صبحك يا شام
ومسا كي اللكلو انغام 
ياسمينك وجوري الاحلام 
 عطرو ملا ديرتنا

يالله نحمي أرض الشام 
الشام عمرا ما بتنضام 
دعالا ربك والعدنان 
 يديما وتعلا شامتنا

بسام العكش

شارك الموضوع

شاهد أيضا

منشورة في: الشعر العامي