رمضان الشام / للشاعر / بسام العكش

رمضان الشام

بتذكر والذكرى بخيالي
رمضان الشام والليالي

بذكر الساعات والثواني
وأيام السحر الخوالي

زحمة المغرب بحارتنا
واللمه الحلوه بدارتنا

والبسمه الطيبه بجيرتنا
وجامعنا أنوارو تلالي

يا الله شو حلوه جمعتنا
والقعده حوالي سفرتنا

وسكبة طبخة جارتنا
وحكياتا البعدا ببالي

مسحرنا يناجي الرحمن
وصوت طبلو هالرنان

قوم وأصحى يا إنسان
ووحد ربك الديان

وطفل ببلدنا صايم
والشجر بمعبودو هايم

يميل يوحد الدايم
والخلق يتلفت قبالي

وروحة الأموي عالسحور
بساحاتو نمشي وندور

على مدح طاهانا الرسول
وتروق الجلسة وتحلالي

والميلويه يا عيني
تصلي عالطه الزيني

عاده عرفتا من سنيني 
بقيت بعقلي وكياني

هي الشآم يا أحباب
بلد الطيبه والأنجاب

لا تدخلوا فيها الأغراب
الشام أغلى الغوالي

بسام العكش

شارك الموضوع

شاهد أيضا

منشورة في: الشعر العامي