عريس شامي / قصيدة باللهجة السورية / للشاعر بسام العكش

عريس شامي

تك تك قلبي لما اسمعت
الميمه راحت تخطبلي
وصيتا من قلب ورب
تعمل خيره وتطلبلي

نقي البنت على أما
شنو هي اللي لما
والله يرحم يلي قال
طب الجره على تما

نقيلي بنت العيله
واوعك تاخدي بالشيله
بتبقى عا قلبي تقيله
بارده وسميكه بدما

بدي بنت مزكايه
حلوه صغيره مربايه
تحكيلي كل يوم حكايه

وعلى كتفي تفرج هما

تحفظ بيتي وولادي
وتحقق كل مرادي
ساعتها برضا وبرتاح
وبحياتي بتهنا

بسام العكش