يا ضل يا خدني / قصيدة الشاعر / معك أحمد عزيز كنعان

يا ضل .. يا خدني معك ...

عالعود عم غنّي معك°

ت عيون قلبي تقشعك°
مشتاق ناداك الوتر° 

ناداك° تايحلى السهر°
أنتَ القمر°..
أحلى قمر°..
دخيل الله الطّلّعك°!!!!

هالقلب قلبك ياحلو 
بيدق من كلمة ألو 
مجنون دايب بالحلا 
ما دق إلا للغلا 
قلك هلا 
ميّة هلا 
لك هات بدي اسمعك!!!!

لولاك أنت َبهالدّني 
الورد لا ما بينحني 
ولا كان من أصلو الهوى 
ولا القلب بالنار انكوى 
وحتى الدوا 
أنت الدوا 
وكلمات قلبك أروعك !!!!

مشتاق يا جدايل دهب°
مشتاق يا كروم العنب°
مشتاق يا كل المنى
مشتاق قلبي للهنا 
عمري أنا 
إنت وأنا 
يا ضل .. يا خدني معك°!!!!

أحمد عزيز كنعان 
5/5/2016