مشوار / قصيدة غنائية للشاعر / بسام العكش

مشوار

متل النسمه مرت حدي
قلبي معها جن وطار

أنطر وحدي بكحل العتمه
يمكن ترجع عاهالدار

بنص الليل حاكي النجمه
لتخبرني بلي صار

وراح الليل وبعدو ليل
وحل نهار وبعدو نهار

وحالي كلو هم وويل
وقلبي مولع جمر ونار

ونسيت حالي رايح وين
خايف منو فراق البين

ربي اجمعنا نصير اتنين
وبكمل معها المشوار

بسام العكش

شارك الموضوع

شاهد أيضا

منشورة في: الشعر العامي