نا شامي والشهبا بقلبي / بقلم الشاعر / بسام العكش

أنا شامي والشهبا بقلبي
محبتها من وهبة ربي
أصالة ونخوه وطيبة قلب
ووقت الشده بتلبي

الشام شو بحب ورودا
وبعشق بالشهبا قدودا
عزتها وتاريخ جدودا

وقلعتها رفيقة دربي

حلبنا همدت شموعا
بعيونا نشفت دموعا
حلب بولادا مفجوعه
وحسرة لكل أم تربي

يا ناس حلب بتنادي
بتنادي الرأيح والغادي
ترابي أهلي وولادي
أغلى من الروح عندي

ردت الشام لا تخافي
شعبي و بوعدو وافي
بيحبك من قلبو الصافي
أنا شامي والشهبا بقلبي

بسام العكش

شارك الموضوع

شاهد أيضا

منشورة في: الشعر العامي