مرسال / بقلم الشاعر / بسام العكش

مرسال

يا رايح عديار الشام
بدي وصيك وصيه
ابعتلا مني مرسال
حبرو دموع عيني

ولما توصل عبوابا
تهدا وبوس ترابا
بيمينك ابدا بعتابا

وبايدك ورده جوريه

وسلم عالطير الدوري
ياسمينا والورد الجوري

قلعتها وبردى الغالي
وعالأموي والحميديه

ومن الغوطة خدلك نسمه

ومن جبالا قوه وعزه
منرجالا خود النخوه
ومن نسوانا الحنيه

لف ودور حاراتا
كنايسها وساحاتا
ودوق اكلا ومياتا
بأحلى عزيمه شاميه

بسام العكش